【正正經經做生意】香港80後做企業家要求高過阿爸阿媽嗰代!

【正正經經做生意】香港80後做企業家要求高過阿爸阿媽嗰代!不過唔關錢事喎,係關社會嘅事。

邏輯上,做生意至重視係講賺幾多錢,但80後似乎唔係咁睇。滙豐私人銀行舊年做咗個調查,發現依家嗰班香港80後企業家極重視嘅係「社會責任」、「社會及文化價值」咁,都真係幾高吓。你自覺係80後企業家?睇睇有冇以下啲條件先講。

首先至少擁有一間公司,兼且個人身家最低限度有近200萬元,個調查先當你係「企業家」。

至入唔入到流?嗱,有78%嘅香港80後企業家覺得,做生意係希望為經濟作出貢獻。OK,呢樣都係講到錢,好易理解。不過,有近7成話做生意要考慮正面影響社區,仲有7成過去一年積極參與慈善活動,當中仲有好多認為「施比受更有福」添。佢哋仲唔係得個講字,係有埋Planning架,事關有57%早就制定埋明確慈善策略。

再有難度啲應該係呢樣,就係有近一半香港80後企業家認為,自己所做嘅係反映社會及文化價值,而非個人價值。估大概意思係,有好多嘢出心比賺錢更重要啩。

調查仲見到,佢哋當中女性佔咗55%,佢哋媽咪嗰代(55歲以上)嘅女企業家只佔33%。換言之到呢代終於見到平等。

香港80後做企業家,唔止講賺錢,仲要講對社會出心,仲唔係難過佢阿爸阿媽嗰代!

立即聯絡我地免費參觀:31523480

來 IBoss 尋找生意商機,齊來逆市創業!
http://iboss.com.hk/hk/b2c

立即參觀月賺HK$10萬以上筍盤:
http://goo.gl/poZHAQ【正正經經做生意】

【on.cc東網專訊】